درست وقت پر لی جانے والی حیرت انگیز اور دلچسپ تصاویر

لندن: دنیا بھر کے ماہر فوٹوگرافر تیسری آنکھ جیسی حس رکھتے ہیں اور تصویر کو بروقت کیمرے میں مقید کرکے لازوال بنادیتے ہیں۔ذیل میں کچھ مضحکہ خیز تصاویر دیکھیے اور فوٹوگرافر کی تصویر کھینچنے کی ٹائمنگ اور مہارت کی داد دیجئے۔ یہ تصاویر بروقت لی گئی ہیں جس کی وجہ سے عام تصاویر انتہائی دلچسپ اور مضحکہ خیز بن گئی ہیں۔
اس تصویر میں ایک ہوائی جہاز کو مرغابی کے پس منظر میں اڑتا دیکھا جاسکتا ہے۔ فوٹو: بشکریہ ڈیلی میل

اس تصویر میں ایک زرافہ چھوٹے چارٹرڈ طیارے کو دیکھ رہا ہے لیکن گمان ہوتا ہے کہ یہ طیارہ جانور کے عین پاس ہے اور کسی کھلونے کی مانند دکھائی دے رہا ہے۔

تصویر میں ایک خاتون ہوا کے جھکڑ سے اپنی دوست کے اڑنے والے بالوں کے پاس اس طرح کھڑی ہیں گویا وہ بالوں کو سونگھ رہی ہیں۔ دلچسپ بات یہ ہے کہ اس موقعے پر خود خاتون کے تاثرات بھی ان کا ساتھ دے رہے ہیں۔

بلی ایک فلیٹ اسکرین ٹی وی پر چڑھ گئی جب کہ اس نے اپنی گردن کچھ اس طرح کر رکھی ہے کہ ٹی وی میں دکھائی دینے والے شخص بلی کے روپ میں اسکرین سے باہر آگیا ہے۔

ایک اور تصویر میں پالتو کتا جماہی کچھ اس ادا سے لے رہا ہے کہ تصویر میں موجود کتے کا جڑواں عکس لگ رہا ہے۔

اس خوبصورت مجسمے میں ایک شخص کا باجا آواز کے بجائے بادل کو خارج کررہا ہے۔ بلاشبہ یہ ایک شاندار تصویر ہے جسے بہت سوچ سجھ کر مقید کیا گیا ہے۔

اب اس تصویر کو غور سے دیکھئے کہ ایک بائیک پر بچہ بیٹھا ہے لیکن جھٹکے سے اسٹارٹ ہونے والی بائیک سے اچھل کر وہ زمین کی جانب آرہا ہے جب کہ بوڑھی دادی اسے سنبھالنے کے لیے آگے بڑھ رہی ہیں۔

اس دلچسپ تصویر میں سمپسن ہومر ٹی وی سے باہر کی جانب دیکھ رہے ہیں جب کہ باہر ایک کار پر ان کی بیگم مرج دکھائی دے رہی جس کا اسکیچ ایک وین پر بنا ہوا ہے۔

ایک بلی اپنے کھانے کے بڑے پیک پر اس طرح چھپ گئ ہے کہ اس کا چہرہ بیگ پر دکھائی دے رہا ہے

اس خبر پر اپنی رائے کا اظہار کریں

اپنا تبصرہ بھیجیں